شمس مصر
منتدى شمس مصر يرحب بيك وبيهنيك لاختيارك شمس مصر اذا لم تكن عضو لدينا فسارع بالتسجيل وان كنت عضو معنا تفضل بالدخول

ليه انا ضعيف امام نفسي؟ .مفيش فايدة..!

اذهب الى الأسفل

ليه انا ضعيف امام نفسي؟ .مفيش فايدة..!

مُساهمة من طرف بنت الاسلام في الثلاثاء 18 مايو - 18:02:54

ليه انا االنهارده بكون صايم وبكره بروح اقف مع شلتي المختلطه في الجامعه
ليه النهارده بصلي قيام ليل وبعدها لما بكون علي النت بنتهك محارم الله
ليه انا النهارده هقرا وردي من القرءان وبعدها افتح التليفزيون علي قنوات الاغاني
ليه انا النهارده هسبح ربنا واستغفر ربنا وبعدها وانا ماشي اطلق بصري للحراااام
ليه انا كل ما اقول انا مش عامل الذنب الفولاني واندم ارجع واعمله ولا كأن في حاجه حصلت
ليه انا مذبذب
ليه انا متبع هواي
ليه انا مش قادرررر اتغلب علي نفسي ليه ليه
ليه انا ضعيف ادام نفسي كانها السيد وانا العبد
ليه انا مش عارف اساعد نفسي اني اخرج من النفق المظلم الي حاطط نفسي فيه
بعد ده كله لسه حيران؟

صوتيات في ملف واحد
ايها العاصي تب الي ربك الشيخ مح
مد حسان
حبائل الشيطان الشيخ الحويني
كيف تستحي من الله الشيخ خالد الراشد
تذكر قبل ان تعصي الشيخ حازم شومان
يا ليتني قدمت لحياتي الشيخ حازم شومان
عبوديه الشهوه الشيخ محمود المصري
الخوف من الله الشيخ محمد حسان
ولمن خاف مقام ربه جنتان الشيخ خالد الراشد
هتسبها امتي الشيخ هاني حلمي
mediafire.com ?dtymjtztkgz

[url=http://adf.ly/246619/http://www.mediafire.com/?dtymjtztkgz ]mediafire.com ?dtymjtztkgz [/url]

لازم انا الي ابدا بنفسي
لازم اخد بايدي انا واخرج من التيه الي عايش فيه
لازم افتكر
ِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ

وافتكر ان ربنا قال للسيده مريم رغم تعب والم الولاده
وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَباً جَنِيّاً
قالها هزي يعني كان لازم تعمل حاجه

وقال لبني اسرائيل
قَالَ رَجُلاَنِ مِنَ الَّذِينَ يَخَافُونَ أَنْعَمَ اللّهُ عَلَيْهِمَا ادْخُلُواْ عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ وَعَلَى اللّهِ فَتَوَكَّلُواْ إِن كُنتُم مُّؤْمِنِينَ }المائدة23
قالهم ادخلوا عليهم الباب لازم يعملوا حاجه
وافتكر
ثبت في الصحيحين عنه صلىالله عليه و سلم أنه قال : " لله أشد فرحا بتوبة عبده حين يتوب إليه من أحدكم كانعلى راحلته بأرض فلاة , فانفلتت منه , و عليها طعامه و شرابه فأيس منها فأتى شجرةفاضطجع في ظلها – قد أيس من راحلته – فبينا هو كذلك إذا هو بها قائمة عنده فأخذبخطامها ثم قال من شدة الفرح اللهم أنت عبدي وأنا ربك – أخطأ من شدة الفرح – "
ربنا فرحان بتوبتك مستني ايه؟

وافتكر
قال تعالى : " وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَلَعَلَّكُمْ تُفْلِحُونَ "
اسمع قول الله تعالى في الحديث القدسي:-

((يا ابن آدم إنك ما دعوتني ورجوتنيغفرت لك على ما كان منك ولا أبالي، يا ابن آدم لو بلغت ذنوبك عنان السماء ثماستغفرتني غفرت لك ولا أبالي، يا ابن آدم لو أتيتني بقراب الأرض خطايا ثم لقيتني لاتشرك بي شيئاً لأتيتك بقرابها مغفرة ))
رواه الترمذي من حديث أنس وقال الألبانيحديث حسن.

يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَّصُوحًا عَسَى رَبُّكُمْ أَن يُكَفِّرَ عَنكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِن تَحْتِهَا الْأَنْهَارُ يَوْمَ لَا يُخْزِي اللَّهُ النَّبِيَّ وَالَّذِينَ آمَنُوا مَعَهُ نُورُهُمْ يَسْعَى بَيْنَ أَيْدِيهِمْ وَبِأَيْمَانِهِمْ يَقُولُونَ رَبَّنَا أَتْمِمْ لَنَا نُورَنَا وَاغْفِرْ لَنَا إِنَّكَ عَلَى كُلِّ شَيْءٍ قَدِيرٌ

قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ
سورة الزمر

اللهم تب علينا وأغفر لنا وأرحمنا انك غفور رحيم

_________________
بنت الاسلام
بنت الاسلام
نائب المدير

انثى
عدد المساهمات : 87
تاريخ الميلاد : 01/10/1980
تاريخ التسجيل : 10/10/2009

الرجوع الى أعلى الصفحة اذهب الى الأسفل

رد: ليه انا ضعيف امام نفسي؟ .مفيش فايدة..!

مُساهمة من طرف بنت الاسلام في الثلاثاء 18 مايو - 18:11:47

.مشكلة عدم غض البصر
وفتنة النساء .. مشكلة الاباحيه ..كلهم بيلفوا فى دايرة مفرغه..والشباب
للاسف بيلف معاهم..الا من رحم ربى..

مفيش جواز ..ومحدش يقعد يقولى شيل النت ولا كسر التلفزيون ولا احبس نفسك فى البيت...!

نجيب من الاخر..احنا عايزين حلووووووول
عملييييييييييه...مش عايزين كلام كتير...

_________________
بنت الاسلام
بنت الاسلام
نائب المدير

انثى
عدد المساهمات : 87
تاريخ الميلاد : 01/10/1980
تاريخ التسجيل : 10/10/2009

الرجوع الى أعلى الصفحة اذهب الى الأسفل

رد: ليه انا ضعيف امام نفسي؟ .مفيش فايدة..!

مُساهمة من طرف بنت الاسلام في الأربعاء 19 مايو - 15:27:16


(1)استعن بالله اولا واخيرا..اصل مهما حاولت
ومهما عملت انت عبد ضعيف ليس لك حول ولا قوة ..لازم تعترف قدم نفسك بكده
..ولازم تقول يارب..قوينى وساعدنى مليش غيرك ..ده سيدنا يوسف(عليه السلام)
مع انه نبى ولكنه استعان بالله علشان يبعد امراه العزيز عنه..قال (وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ)
فربنا استجابله ونجاه..

(فَاسْتَجَابَ لَهُ رَبُّهُ
فَصَرَفَ عَنْهُ كَيْدَهُنَّ إِنَّهُ هُوَ السَّمِيعُ الْعَلِيمُ)

يبقى لازم تقول يارب وانت على يقين انه سبحانه وتعالى شايفك وحاسس بيك ولو
انت عندك نيه صادقه فى التوبه هيقربك ويبعدك عن اى معصيه ..لانه خلقك وهو
الوحيد سبحانه وتعالى اللى عالم بضعفك وعلشان كده مش هيسيبك وباذن الله
برحمته هينجيك من المشكله دى..بس انت اصدق مع الله ولو مره..!!

_________________
بنت الاسلام
بنت الاسلام
نائب المدير

انثى
عدد المساهمات : 87
تاريخ الميلاد : 01/10/1980
تاريخ التسجيل : 10/10/2009

الرجوع الى أعلى الصفحة اذهب الى الأسفل

رد: ليه انا ضعيف امام نفسي؟ .مفيش فايدة..!

مُساهمة من طرف بنت الاسلام في الأربعاء 19 مايو - 16:13:04


(2) الصحبه ثم
الصحبه ثم الصحبه
..ليه؟؟
اصل ااى شاب غير صالح هتقعد معاه ماوراهوش غير البنات وسيرتهم .يا سيرة
الافلام يا الاباحيه ..كله من النوعيه الهباب دى..!!ومجرد بس ما حد هيفكرك
هتلاقى الشيطان ما صدق وعمال يفكرك ويزغ فيك ويقلب الشهوه جواك ومع
السلامه..!!
يبقى لازم صحبه صالحه ..ياخدوا بايدك لو وقعت ..ويرفعوك ويعلوا همتك فى
الدين ويذكروك بربنا دايما ..
طيب الاقيهم فين..؟؟؟
اكيد مش ع القهوه ولا الكافيتريا ولا فى النادى..!!
هتلاقيهم فى المسجد..وفى دروس العلم ..على موقع احلى
حياة
..دور بس وانت ربنا هيدلك ويرشدك..



(3) اشغل نفسك..اياك والفراغ..اياك..اياك..اياك..اياك..اياك..اياك..اياك..اياك..
!!!
عارف مجرد بس ما هتقعد فاضى قدم النت او حتى مع نفسك دقيقه..هتلاقى
شوشو(الشيطان) ونفسك الاماره بالسوء لعبوا بيك كوره..!!
اصلهم ما ورهمش غيرك..عايزين يودوك فى ستين داهيه ..!
فلازم تشغل وقتك..
طيب اشغله بايه..انا باجى من الكليه او الشغل بقعد فاضى ..ما وراييش
حاجه..!1!!
ايه ايه ايه؟؟ازاى ما وراكش حاجه..؟؟
فين القران اللى قريته انهارده؟؟ ..فين الاذكار ؟؟ فين مساعده الوالدين
؟؟فين صلة الرحم؟؟فين طلب العلم .؟؟ فين الدعوه الى الله ؟؟ فين سمع
المشايخ والدروس والخطب؟؟
حط لنفسك جدول محاسبه ولما تخلصه نبقى نتقابل ان شاء الله..!!!!



(4) ابعد البنزين عن النار ...يعنى ايه ؟؟؟
يعنى تجنب فتنة النساء لانها سبب كل البلاوى دى..ازاى ..ده الواحد بيتكعبل
فيهم فى الشارع وفى التليفزيون والنت والموبايل ..!!
انت وشطارتك بقى يا حلو..فى الشارع استعن بالله وغض بصرك وحاول تصوم..
فى النت..الغى خاصية اظهار الصور خالص..
حط برنامج مانع للمواقع الاباحيه..
فى التليفزيون ..الغى كل القنوات الغير اسلاميه .حتى لو بتاع اخبار..
طيب ليه الكلام ده كله..؟؟
خليك فكر انك لازم تقفل الباب بالقفل ..لانك لو سبته موارب ولو (سم) واحد
..الشيطان مش هيسيبك..اى نظره ولو كانت صغيره هتقلب عليك المواجع..!!



(5) عاقب نفسك..!!
ايه ؟؟؟اعاقب نفسى..؟؟لييييييييييييه؟؟ده انا احسن من غيرى كتير..!!
لو عايز تبقى مع النبى فى الجنه ..عاقب نفسك...!!
لو عايز ما تتحرمش من رؤية وجه ربنا فى الجنه ..لازم تعاقب نفسك..!!
طيب ازاى..!!
كل واحد ادرى بنفسه..يعنى مثلا لو بتحب الاكل ..عاقبها بالصيام..!!
بتحب الخروج ..ماتخرجش..ما تشتريش الحاجه اللى كنت ناوى تشتريها..كده
يعنى..



(6) هتموووووووووووووووت..والله هتموت ..انت مش
مصدق ولا ايه..!!
وطالماا نت عارف انك هتموت وهتتحاسب على كل حاجه ..يبقى بيتعصى ربنا ليه
؟؟!!!
مش انت عارف ان اللى بيعصى ربنا هيدخل النار ..؟؟
بس للاسف احنا مش عارفين يعنى ايه نار الاخره ...؟؟؟
علشان كده ..من الوسائل المجربه والفعاله...
ساعة ما نفسك او الشيطان يوزك ..روح جرى على البوتجاز او ولع عود كبريت
..وقرب ايدك منه..وقول لنفسك انتى مش قادره تستحملى ثانيه من نار
الدنيا..امال هتعملى ايه فى نار جهنم..!!!!!
وعلى طول لازم تذكر نفسك بالموت ..ازاى..؟؟
زور المقابر وشيع جنازات..
اسمع شرايط كتير عن الموت والدار الاخره...حطهم على موبايلك ..على الجهاز
..علشان يفكروك دايما..
اكتب ورقه او لوحه وعلقها فى اوضتك..كده يعنى..



(7) الجنه..ايوه الجنه ..!!
انت عارف ايه هى الجنه؟؟؟انت عارف ايه نعيم الجنه؟؟
انت عارف انت بتضيع ايه من ايدك بمعصيتك دى..؟؟
لازم تسمع دروس وتقرا عن الجنه علشان تعرف نعيم الجنه وتعرف ان نساء الدنيا
كلهم مهما كانوا على اعلى درجه من الجمال فهم بشر (يخرج منهم بول وغائط
وحيض ونفاث ومخاط..الخ)..
ازاى تبيع الحور العين اللى لو ضحكت الجنه تنور من ضحكتها علشان شهوة دقيقه
او ساعه او حتى سنه..!!



(Coolحصن نفسك بالاذكار اللى بتحميك من الشيطان زى
لا اله الا الله وحده لا شريك له له الملك وله الحمد وهو على كل شئ قدير
100 مره صباحا ومساءا.. وخليك على ذكر على طول ..




(9) اوعى تيأس..!!
لانك بشر ..مش معصوم ..لازم هتقع ..وكل مره هتقع فيها بعد ما تتوب لازم
تكون المره اللى بعدها اقوى وتعرف ايه اللى وقعك وتسد نقط ضعفك فى وش
الشيطان والنفس..
الشيطان هيقعد يقولك هى مره وتعدى ..مجتش من مره .انت كنت بتعمل الف مره
قبل كده ..وبعد كده مش هيسيبك..هيقولك اديك وقعت يا حلو ..مفيش فايده..انت
متقدرش تعيش من غيرها ..
فلازم تكون عارف انه مفيش حاجه اسمها يأس..!!
انت ماشى على روشته علاج..لازم تكملها للاخر..علشان تجيب نتيجه..لو اى حاجه
حصلت وانت فى رحلة العلاج لازم تصبر وتكمل الدوا..!
وخليك عارف ان ربنا هيقبلك لو روحتلته تايب وانت معاك ذنوب قد الارض
والبحار والدنيا كله..
وزى ما النبى صلى الله عليه وسلم قال (ان الله لايمل حتى تملوا)
بل بالعكس ..لو تبت وصدقت فى التوبه وبدات تعمل اعمال صالحه..ربنا هيبدل
سيئاتك كلها حسنات..!!!
معقول الكلام ده!!!!؟؟؟
اااااااااااااااااااااااه ..يقول تعالى (إِلَّا مَنْ تَابَ وَآمَنَ
وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ
حَسَنَاتٍ وَكَانَ اللَّهُ غَفُورًا رَحِيمًا) ..







ومبروووووووك التوبه
والرجوع مقدما ...

وباذن الله نسمع خبر حلو انك بقيت قريب من ربنا ..



---
--
-







_________________
بنت الاسلام
بنت الاسلام
نائب المدير

انثى
عدد المساهمات : 87
تاريخ الميلاد : 01/10/1980
تاريخ التسجيل : 10/10/2009

الرجوع الى أعلى الصفحة اذهب الى الأسفل

رد: ليه انا ضعيف امام نفسي؟ .مفيش فايدة..!

مُساهمة من طرف شمس مصر في الأربعاء 19 مايو - 18:00:30

قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ
شمس مصر
شمس مصر
المدير العام

ذكر
عدد المساهمات : 506
تاريخ الميلاد : 12/08/1982
تاريخ التسجيل : 07/10/2009
الموقع http://sunmasr.yoo7.com/

http://sunmasr.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى