على فين يامصر رايحه بينا؟؟؟؟هيثم نصر

بسم الله الرحمن الرحيم

فى ظل الاحداث الجاريه وتفاعلا منى بثورة الشباب

حبيت اقدم حاجه من كتاباتى لعلها تنول لاعجاب

قصيدة اسمها على فين يامصر رايحه بينا؟

تحياتى للشعب المصرى الباسل

كلمات هيثم نصر

على فين يامصر رايحه بينا

على فين بتحاولى تبعدينا

وان بعدنا بتجبرينا وترجعينا

هو انتى ليه مش بتنصفينا

وليه تملى مش حاسه بينا

انا ذنبى ايه غير انى مصرى

احنا ولادك وجنسيتى مصرى

حرام عليكى ولا علينا

ارجوكى جاوبينا

على فين يامصر رايحه بينا

شهداء كتير مالهومش ذنب

خرجوا علشان امنك يامصر

جرحى وضحايا بيبكوا القلب

كان اخر نداهم تحيا مصر

على ايد ولادك ماتوا ولادك

مين فيهم زادك

ومين فيهم بيزيد عنادك

ماتقوليلى مين يامصر

هيجيلك بكل نصر

غير ولادك اللى اتهرسوا

فى حياتك

واللى فى رضاكى

اتعصروا عصر

كلمات هيثم نصر

شمس مصر